हामी सबैकाे संसारन्यूज

६ फागुन, काठमाडौँ । इन्डियन प्रिमियर लिग (आईपिएल) को अक्सन आज हुन गइरहेको छ  । चेन्नाईमा हुन गइरहेको अक्सनमा आईपिएलका ८ फ्रेन्चाइजहरुले भाग लिने छन ।

आज अक्सनमा भारतीय १६४ खेलाडी र विदेशी १२८ खेलाडी गरी जम्मा २९२ खेलाडीहरुले भाग लिने छन । २९२ खेलाडीहरू बिचबाट ८ आईपिएलका फ्रेन्चाइजहरुले मात्र ६१ खेलाडीहरुलाई टिममा अनुबन्धित गर्ने सक्ने छ ।

अक्सनमा बढि पैसाका साथ प्रवेश गर्नका लागि ८ फ्रेन्चाइजहरुले यस अघि नैँ टिममा केही खेलाडीलाई रिलिज गरी सेकेका छन । त्यस अन्तर्गत रोयल च्यालेन्जर्स बेङ्गलोरले सबै भन्दा धेरै १० खेलाडीलाई टिमबाट रिलिज गरेको थियो भने सनराईजर्स हैदरावादले सबै भन्दा कम ५ खेलाडीलाई रिलिज गरेको थियो । अक्सनमा खर्च गर्नका लागि सबै भन्दा धेरै रकम पंजाब किंग्ससँग (५३.२० करोड) रहेको छ भने सबै भन्दा कम रकम कोलकत्ता नाईट राइडर्ससँग (१०.७५ करोड) रहेको छ ।

२०२१ को आईपिएल अक्सनको प्रत्यक्ष प्रसारण स्टार स्पोर्ट्समा नेपाली समय अनुसार ३:१५ बाट हेर्न सकिने छ ।