Sansar News
१७ चैत्र, काठमाडौँ। Tribute: कैलालीको मोहन्याल गाउँपालिकाका अध्यक्ष नवलसिंह रावलको निधन भएको छ ।
७७ वर्षीय रावल आइतबार बिहान घरमै कुर्सीमा बसेका बेला एकाएक बेहोस भई ढलेका थिए । उनलाई उपचारका लागि कोहलपुर मेडिकल कलेज लगिएको थियो । थप उपचार आवश्यक भएका कारण सोमबार दिउँसो काठमाडौं ल्याइएको थियो ।
काठमाडौंस्थित अन्नपूर्ण न्युरो अस्पतालमा उपचारको क्रममा रावलको निधन भएको अस्पतालले जनाएको छ।
रावल उच्च रक्तचापबाट पीडित रहेको पारिवारिक स्रोतले जानकारी दिएको छ । रावलको अन्त्येष्टि गृहजिल्लामा गरिने बताइएको छ ।
रावल नेकपा एमालेबाट गाउँपालिकाका अध्यक्षमा निर्वाचित भएका थिए ।
वि.सं.२०७७ चैत १७ मंगलवार १३:०९ मा प्रकाशित
