Sansar News
२ बैशाख, काठमाडौं । भारतमा कोरोना संक्रमण तिब्ररुपमा बढ्दैछ । पछिल्लो २४ घण्टामा १ लाख ९९ हजार ३७६ नयाँ संक्रमित थपिएको त्यहाँको स्वास्थ्य मन्त्रालयले जनाएको छ ।
त्यस्तै १ हजार ३७ जनाले ज्यान गुमाएका छन् भने २४ घण्टामा ९३ हजार ४१८ जना निको भएका छन् ।
भारतमा हालसम्म संक्रमितको संख्या १ करोड ४० लाख रहेको छ । ती मध्ये १ करोड २४ लाख निको भइसकेका छन् भने हाल सक्रिय संक्रमितको १४ लाख ६५ हजार रहेको छ । साथै १ लाख ७३ हजारले कोरोना संक्रमणबाट ज्यान गुमाएका छन् ।
त्यस्तै सबैभन्दा बढी प्रभावित भारतको महाराष्ट्रमा बुधबार ५८ हजार ९५२ जना नयाँ संक्रमित थपिएका छन् भने ३९ हजार ६२४ जना निको भएका छन् । त्यहाँ बुधबार २७८ जनाले ज्यान गुमाएका छन् ।
महाराष्टमा हालसम्म ३५ लाख ७८ हजार संक्रमित थपिएका छन् भने २९ लाख निको भएका छन् । साथै त्यहाँ ५८ हजार ८०४ जनाले ज्यान गुमाइसकेका छन् ।
महाराष्ट्रमा झण्डै ६ लाख १२ हजार सक्रिय संक्रमित रहेको समाचार ऐजेन्सीहरुले जनाएका छन् ।
वि.सं.२०७८ वैशाख २ बिहीवार ०९:३४ मा प्रकाशित
