हामी सबैकाे संसारन्यूज

५ बैशाख, काठमाडौं । नेपाल कम्युनिष्ट पार्टी ( माओवादी केन्द्र ) को स्थायी समिति सदस्य तथा गण्डकी प्रदेश इन्चार्ज देवेन्द्र पौडेलले आफूहरु सरकार फेर्ने अन्तिम तयारीमा पुगेको बताएका छन् ।

जताततै सरकार धर्मराउन थालेपछि ओली निकटका शुत्रहरुले सहजीकरणको प्रयास गरेको समेत बताएका पौडेलले मुलुकको यो समग्र स्थितिको जिम्मेवार प्रधानमन्त्री ओली भएको र अहिलेका प्रधानमन्त्री अहिलेसम्मकै अयोग्य भएको समेत बताएका थिए । उनले नेकपा (माओवादी केन्द्र) मार्फत् क्रान्तिकारी आन्दोलन पुनर्गठन हुन लागेको समेत बताएका थिए ।

कार्यक्रममा नेकपा (माओवादी केन्द्र) का नेता डिलाराम आचार्य, बुद्धिजीवीहरु नीलकण्ठ तिवारी, मनहरि तिमिल्सिीना र गण्डकी प्रदेश सम्पर्क संयोजक तारा कुमाल लगायतले प्रतिगमनका विरुद्धको लडाईलाई अवसरका रुपमा लिँदै संगठन बलियो बनाउन शुभकामना दिएका थिए ।

कार्यक्रममा धौलागिरी समाजका उपाध्यक्ष भक्तराज भुसालले शुभकामना र गण्डकी प्रदेश सम्पर्क मन्चका सदस्य धर्मागत भुसालले स्वागत मन्तव्य राखेको सो कार्यक्रममा मन्चका अध्यक्ष नारायण काफ्लेले सभापतित्व गर्दै प्रतिवेदन पेश गरेका थिए भने अशोक पौडेलले कार्यक्रम संचालन गरेका थिए ।

भीम रेग्मी अध्यक्ष तथा मनहरि तिमिल्सीना, धर्मागत भुसाल र नारायण काफ्ले रहेको निर्वाचन मण्डलले शिवलाल पुरीको अध्यक्षतामा नयाँ कार्यसमिति समेत निर्वाचित गरेको थियो ।