Sansar News
वैशाख ९, काठमाडौं । नेकपा (एमाले)का अध्यक्ष एवं प्रधानमन्त्री केपी शर्मा ओली र नेता माधवकुमार नेपालबीच आज पनि भेटवार्ता हुने भएको छ । माधव पक्षीय नेता रघुजी पन्तका अनुसार दुई नेताबीच बिहिबार दिउँसो २ बजे भेटवार्ता हुन लागेको हो ।
जनाइएअनुसार भेटवार्ता मेरियट होटलमै हुने तयारी भएको छ । यसअघि बुधबार बेलुका दुई नेताबीच मेरियट होटलमै करिब दुई घण्टासम्म ‘वान टु वान’ वार्ता चलेको थियो ।
वान टु वान वार्ता अघि केहिबेर नेता विष्णु पौडेल पनि वार्तामा सहभागी भएका थिए ।
बुधबारको छलफलको निरन्तरता स्वरुप बिहिबार भेटवार्ता हुन लागेको जनाइएको छ । यसअघि बुधबारको वार्ताबारे माधव नेपालले आफुँ निकटस्थसँग बिफ्रिङ गरेका थिए । नेताहरुसँगको बिफ्रिङ पछि उनी भेटवार्तामा सहभागी हुन लागेका हुन् ।
वि.सं.२०७८ वैशाख ९ बिहीवार १३:५७ मा प्रकाशित
