हामी सबैकाे संसारन्यूज

१२ वैशाख, काठमाडौं । कोभिड–१९ संकट व्यवस्थापन केन्द्र (सीसीएमसी) ले निषेधाज्ञा गर्न सक्ने अधिकार जिल्लालाई दिन सिफारिस गरेको छ ।

आइतबार बसेको सीसीएमसीको बैठकले पहाडी क्षेत्रमा २०० र सहरी क्षेत्रमा ५०० सक्रिय संक्रमितको संख्या नाघेमा निषेधाज्ञा जारी गर्ने अधिकार प्रमुख जिल्ला अधिकारीलाई सिफारिस गरेको एक मन्त्रीले जानकारी दिए । काठमाडौं उपत्यकामा भने सक्रिय संक्रमित १ हजार जना नाघे निषेधाज्ञा जारी गर्न सिफारिस गरिएको छ ।

ती मन्त्रीका अनुसार जिल्लामा रहेको सीसीएमसी मार्फत निर्णय गर्ने गरी प्रमुख जिल्ला अधिकारीलाई निषेधाज्ञा जारी गर्ने जिम्मेवारी स्थानीय प्रशासनलाई दिनका लागि मन्त्रिपरिषद्लाई सिफारिसको अधिकार दिन लागिएको हाे ।

योसँगै काठमाडौं उपत्यकाका तीन प्रमुख जिल्ला अधिकारीले पनि संयुक्त छलफल गरेर निषेधाज्ञा लगाउने तयारी गरेका छन् । यसबारेमा सोमबार तीन प्रमुख जिल्ला अधिकारीको बैठक बस्ने र निर्णयमा पुग्ने बताइएको छ ।

Pic : file pic