हामी सबैकाे संसारन्यूज

१३ बैशाख, काठमाडौं । कोरोना भाइरसको बावजुत संचालनमा रहेको इन्डियन प्रिमियर लिग (आइपिएल) बाट खेलाडीहरुले  प्रतियोगितमा  छाड्न थालेका छन् । हाल इन्डियामा बढ्दै गएको कोरोना संक्रमणका कारण खेलाडीहरुले खेल छाड्न थालेका हुन् ।

देल्ली क्यापिटलका स्पीनर रविन्द्र आस्विनले सामाजिक सञ्जालमा आफु आइपिएलको बाँकि खेलहरुमा सहभागि नहुने जनाएका छन् । उनले कोरोना भाइरस महामारीको अवस्थामा परिवारलाई साथ दिने भन्दै आइपिएल छाडेकाे घोषणा गरेका छन् ।

I would be taking a break from this years IPL from tomorrow. My family and extended family are putting up a fight against #COVID19 and I want to support them during these tough times. I expect to return to play if things go in the right direction. Thank you @DelhiCapitals ??

— Stay home stay safe! Take your vaccine?? (@ashwinravi99) April 25, 2021

उता रोयल च्यालेन्जर्स बेंग्लोरका दुई अस्ट्रेलियन खेलाडी केन रिचार्डसन र एडम जाम्पाले पनि बाँकि खेलमा सहभागिता नजनाउने भएका छन् । उनीहरुले व्यक्तिगत कारण देखाउँदै प्रतियोगिताबाट बाहिरीन चाहेको बताएका छन् ।

यसअघि पनि प्रतियोगिताबाट राजस्थान रोयल्सका तीव्र गतिका बलर एंड्रयु टेले र लियाम लिभिङस्टोनले पनि व्यक्तिगत कारण देखाउदै प्रतियोगिताबाट बाहिरीएको घोषणा गरेका थिए।

भारतमा आइतबार अहिलेसम्मकै धेरै कोरोना संक्रमित थपिएका छन्। सोमबार बिहान सार्वजनिक तथ्यांकअनुसार आइतबार भारतभर ३ लाख ५२ हजार ९ सय ९१ जना मानिसमा कोरोनाभाइरसको संक्रमण पुष्टि भएको थियो।