Sansar News
१९ बैशाख, काठमाडौं । पूर्व प्रधानमन्त्री तथा नेकपा एमालेका वरिष्ठ नेता माधब कुमार नेपालले पूर्वप्रधानमन्त्री तथा वरिष्ठ पार्टीका वरिष्ठ नेता भलनाथ खनालको उपचारमा येथेष्ठ ध्यान दिन आग्रह गरेका छन् ।
कोरोना संक्रमण पुष्टि भएपछि शनिबारदेखि थापाथलीस्थित नर्भिक अस्पतालमा उपचार गराइरहेका नेता खनालको स्वास्थ्य लाभको कामना गर्दै नेता नेपालले यस्तो आग्रह गरेका हुन् ।
‘हाम्रो पार्टीका वरिष्ठ नेता एवम् पूर्व प्रधानमन्त्री कमरेड झलनाथ खनालको शीघ्र स्वास्थ्यलाभको कामना गर्दछु साथै उहाँको उपचारमा यथेष्ठ ध्यान दिन सम्बद्ध सबैको ध्यानाकर्षण समेत गराउछु ।’ नेता नेपालले सामाजिक संजालमा लेखेका छन् ।
पखाला लागेपछि मनमोहन अस्पतालमा भर्ना भएका खनाललाई कोरोना संक्रमण पुष्टि भएको थियो । त्यसपछि शनिबार साँझ नर्भिक अस्पतालमा भर्ना गरिएको छ । उनको स्वास्थ्य अवस्था सामान्य रहेको बताइएको छ ।
वि.सं.२०७८ वैशाख १९ आइतवार ०९:४७ मा प्रकाशित
