हामी सबैकाे संसारन्यूज

काठमाण्डौं । दण्डपाणी–नन्दकुमारी स्मृति प्रतिष्ठानले यो वर्षको दण्डपाणी–नन्दकुमारी स्मृति प्रा डा जगमान गुरुङलाई प्रदान गरिएको छ ।

दण्डपाणी अज्र्यालको १ सय ११ औं जन्मजयन्तीको अवसरमा गुरुङलाई सो पुरस्कार प्रदान गरिएको हो । ज्योतिष पण्डित दण्डपाणि अज्र्याल तथा उहाँकी धर्मपत्नी नन्दकुमारी अज्र्यालका नाममा स्थापित उक्त पुरस्कारको राशी रु २५ हजार नगदसहित कदरपत्र रहेको छ ।
शुक्रबार नेपाल राष्ट्रिय प्रज्ञा प्रतिष्ठानमा भएको उक्त कार्यक्रममा स्मृति प्रतिष्ठानद्धारा प्रकाशित पुस्तक ज्ञान विन्दुको १० औं अंकको विमोचन समेत गरिएको थियो । साथै सोही कार्यक्रममा राजेन्द्र अर्यालको नियात्रा सङग्रह ‘माल्भा’ र सीता अर्यालको कथा सङग्रह ‘उपहार आँशुको’ समेत एकसाथ विमोचन गरिएको थियो ।

तीनवटै कृतिको विमोचन सर्वाेच्च अदालतका न्यायाधीश गोपाल पराजुलीद्धारा भएको हो । कार्यक्रममा विमोचित कृति ज्ञानविन्दुको विषयमा सम्पादक विष्णु प्रभातले प्रष्ट पारेका थिए भने माल्भा नियात्राको विषयमा डा. रामप्रािद ज्ञवाली र आँशुको उपहार कथाको विषयमा डा. रजनी ढकालले टिप्पणी गरेका थिए ।