हामी सबैकाे संसारन्यूज

२९ बैशाख, काठमाडौं । भारतमा मंगलबार ३ लाख ४८ हजार कोरोनाका नयाँ संक्रमित थपिएका छन् ।

भारतमा केही दिनयता कोरोना संक्रमण हुनेको संख्या घट्दै गएपनि सोमबारको तुलनामा मंगलबार संक्रमित हुनेको संख्या १८ हजारले बढी हो ।

त्यसैगरी मंगलबार ४ हजार १९८ जनाले ज्यान गुमाएका छन् । साथै सोहि अवधिमा ३ लाख ५५ हजार कोरोना संक्रमणबाट मुक्त भएका छन् । भारतमा केही दिनयता संक्रमित हुनेभन्दा निको हुनेको संख्या बढ्दै गइरहेको छ ।

भारतमा मंगलबारसम्म संक्रमित हुनेको कूल संख्या २ करोड ३३ लाख पुगेको छ । ती मध्ये निको हुनेको संख्या १ करोड ९३ लाख रहेको छ भने हाल सक्रिय संक्रमितको संख्या झण्डै ३७ लाख रहेको छ ।

भारतमा हालसम्म २ लाख ५४ हजारले ज्यान गुमाएका छन् ।

त्यसैगरी सबैभन्दा बढी प्रभावित महाराष्ट्र राज्यमा संक्रमित हुनेको संख्या घट्दै गइरहेको छ । महाराष्ट्रमा मंगलबार ४० हजार ९५६ जना संक्रमित भएका छन् भने सोहि अवधिमा ७१ हजार ९६६ जना निको भएका छन् । महाराष्ट्रमा यो साता संक्रमित हुनेभन्दा निको हुनेको संख्या बढिरहेको छ ।

त्यस्तै मंगलबार ७९३ जनाको मृत्यु भएको छ । मंगलबार थपिएका ७९३ सहित महाराष्ट्रमा हालसम्म ७७ हजार १९१ जनाले ज्यान गुमाएका छन् ।

महाराष्ट्रमा हालसम्म ५१ लाख ७९ हजारमा संक्रमण पुष्टि भएको छ । ती मध्ये ४५ लाख ४१ हजार निको भएका छन् । साथै ५ लाख ५८ हजार सक्रिय संक्रमितको उपचार भइरहेको छ ।

दिल्लीमा पनि कोरोना संक्रमित हुनेको संख्या घटेको छ । मंगलबार १२ हजार ४८१ ज्नामा संक्रमण पुष्टि भएकोमा सोहि अवधिमा १३ हजार ५८३ जना निको भएका छन् । साथै सोहि अवधिमा ३४७ जनाको मृत्यु भएको छ ।

दिल्लीमा हालसम्म १३ लाख ४८ हजारमा संक्रमण पुष्टि भएको छ भने १२ लाख ४४ हजार निको भएका छन् । समाचार ऐजेन्सीका अनुसार हालसम्म २० हजार १० जनाको मृत्यु भएको छ भने ८३ हजार ८०९ सक्रिय संक्रमितको उपचार भइरहेको छ ।