हामी सबैकाे संसारन्यूज

३० बैशाख, काठमाडौं । स्वास्थ्य तथा जनसंख्या मन्त्रालयले सय बेड भएका सम्पूर्ण निजी अस्पतालहरुलाई १५ दिनभित्र अक्सिजन प्लान्ट जडान गर्न आग्रह गरेको छ ।

कोरोना संक्रमण तिब्र गतिमा बढ्दै गएको अवस्थामा जटिल प्रकृतिका संक्रमितहरुको उपचारका लागि अत्यावस्यक पर्ने अक्सिजन माग दिनानुदिन बढ्दै गएको र अक्सिजन आपूर्ति प्रक्रिया दिनानुदिन थप जटिल बन्दै गएको भन्दै मन्त्रालयले यस्तो आग्रह गरेको हो ।

‘यस्तो महामारीको समयमा अक्सिजन जस्तो अत्यावस्यक वस्तुको आपूर्ति व्यवस्थामा असर पर्न नदिन कम्तिमा सय बेड भएका सम्पूण निजी अस्पतालहरुले अस्पतालमा आजको मितिले पन्ध्रदिन भित्र अक्सिजन प्लान्ट जडान गरी यस मन्त्रालयमा जानकारी गराउनुहुन अनुरोध छ ।’ मन्त्रालयद्धारा जारी सूचनामा भनिएको छ ।