Sansar News
३१ वैशाख, काठमाडौँ । नेपाल कम्युनिष्ट पार्टी(माओवादी केन्द्र)का प्रवक्ता नारायणकाजी श्रेष्ठले नेकपा एमालेका वरिष्ठ नेता माधवकुमार नेपाल लगायतलाई बधाई दिएका छन् ।
सामाजिक सञ्जालमार्फत बधाई तथा शुभकामना दिँदै उनले घिसिपिटेपन र तदर्थवादबाट फड्को नमारीकन आजको आवश्यकता पुरा हुन नसक्ने बताउँदै यसबाट माथि उठ्न माधव समूहलाई सुझाएका छन् ।
बिचलन, निराशा र निष्कृयता क्रान्तिकारी गुणचरीत्र नभएको भन्दै ‘घिसिपिटेपन र तदर्थवादबाट फड्को नमारीकन आजको आवश्यकता पुरा गर्न नसकिने बताएका हुन् ।
उनले बैचारिक छिपछिपेपन, बिधिपद्धतिको अवज्ञा, ब्यक्तिवाद, संकिर्णता, अनेकता, गुटवन्दी, भ्रष्टीकरणबाट माथि उठ्नुपर्छ र त्यसको विरुद्ध संघर्ष गर्न दृढ हुुनुपर्नेमा धारणा राखेका छन् ।
देशभक्ति, क्रान्तिनिष्ठता, सिद्धान्तनिष्ठता र जनसेवालाई आत्मसात गर्दै व्यवस्थितरुपमा बैचारिक सांस्कृतिक रुपान्तरण र संगठनात्मक सुदृढीकरणको अभियान सञ्चालन गर्नुपर्नेमा उनले जोड दिएका छन् ।
साथै तत्कालै भने सिङ्गो पाटी पङ्क्ति कोरोना महामारी सङग जुझ्न स्वयंसेवामा जुट्न समेत आग्रह गरेका छन् ।
यसअघि उनले सामाजिक सञ्जालमा नेपाली शासकहरुले आफ्नो कुर्सी स्वार्थका लागि बाह्रय शक्तिसँग त्वमशरणम गरेर विदेशी हस्तक्षेप निम्त्याएको बताएका थिए ।
वि.सं.२०७८ वैशाख ३१ शुक्रवार १०:१५ मा प्रकाशित
