Sansar News
७ जेठ, काडमाडौँ । नेकपा एमालेका युवा नेता राजेन्द्र राईले माधव पक्षधर सांसदहरुको पद नजाने दाबी गरेका छन् ।
राष्ट्रपतिलाई धारा ७२ (२) अनुसारको हस्ताक्षर बुझाउने समय सम्म प्रधानमन्त्री ओलिले नै एमालेको १२१ सांसद रहेको दाबी पेस गरेको हुनाले एमालेको कुनै पनि सांसदको कुनै पनि कारणले पद नजाने स्पष्ट पारेका हुन् ।
‘दलको नेताको रूपमा केपी ओलीले आज एमालेको १२१ सांसद रहेको दाबी पेस गरेको हुनाले राष्ट्रपतिलाई धारा ७२ (२) अनुसारको हस्ताक्षर बुझाउने समय सम्म एमालेको कुनै पनि सांसदको कुनै पनि कारणले पद गएको छैन भन्ने स्पष्ट भएको छ । यसको मतलब फलाना फलानालाई कारबाही गरिएकोले उनीहरूको हस्ताक्षर मान्य नहुने भन्ने कुरा रहेन ।’ उनले भनेका छन् ।
प्रधानमन्त्रीले आफ्नो समर्थनमा १२१ सांसदको समर्थन रहेको भनि राष्ट्रपति समक्ष दाबी पेस गरेको सांसदहरुको हस्ताक्षर सहित होइन र ? उनले प्रश्न गरेका छन् ।
नेकपा एमालेले काँग्रेस सभापति शेरबहादुर देउवालाई प्रधानमन्त्री बनाउन हस्ताक्षर गर्ने २६ जना माधव पक्षधर सांसदमाथि कारवाही गरेकाे जनाएको छ । कारवाही गरेका सांसदहरुको नाम सहितको पत्र राष्ट्रपति कार्यालयलाई पठाइएको छ ।
सामाजिक सञ्जालमा उनले भनेका छन् :
1. दलको नेताको रूपमा केपी ओलीले आज एमालेको 121 सांसद रहेको दाबी पेस गरेको हुनाले राष्ट्रपतिलाई धारा 76-2 अनुसारको हस्ताक्षर बुझाउने समय सम्म एमालेको कुनै पनि सांसदको कुनै पनि कारणले पद गएको छैन भन्ने स्पष्ट भएको छ ! यसको मतलब फलाना फलाना लाई कारबाही गरिएकोले उनीहरूको हस्ताक्षर मान्य नहुने भन्ने कुरा रहेन !
2, प्रम केपी ओलीले आफ्नो समर्थनमा 153 सांसदको समर्थन रहेको भनी राष्ट्रपति समक्ष दाबी पेस गरेको सांसदहरुको हस्ताक्षर सहित होइन एमाले र ज स पा संसदीय दल नेताको पत्रको आधारमा हो ! दल नेताको पत्रको आधारमा सांसद संख्या जोड्ने प्रावधान भनेको 76-1 र 76-2 हो ! सो धारा अनुसारको प्रावधान र प्रक्रियाबाट अघि बढी सकिएकोले नै धारा 76-3 हुँदै धारा 76-5 मा प्रवेश गरिएको हो, यस धारामा व्यवस्था भएको प्रावधान भनेको दल नेताको रूपमा प्रम दाबी गर्न वा दल नेताको पत्रकी आधारमा सांसद संख्या गणना गर्न मिल्दैन ! व्यक्तिगत रूपमा टाउको गनेर कुनै संसद्ले बहुमत जुटाएर, बहुमतको हस्ताक्षर सहित प्रमको दाबी पेस गर्नु पर्छ !
अरू कुरा आफै बुझ्नु होला !
वि.सं.२०७८ जेठ ७ शुक्रवार २१:०० मा प्रकाशित
