Sansar News
१० जेठ, काठमाडौं । नेकपा एमालेले सुदूरपश्चिम प्रदेश सरकारलाई दिएको समर्थन फिर्ता लिएको छ । पार्टी विभाजन भएपछि पनि सुदूरपश्चिम प्रदेश सरकारलाई दिएको समर्थन कायमै राखेको एमालेले समर्थन फिर्ता लिएको हो ।
सोमबार बालुवाटारमा बसेको स्थायी कमिटी बैठकले सुदूरपश्चिम सरकारलाई दिएको समर्थन फिर्ता लिने निर्णय गरी मन्त्रीहरुलाई सरकारबाट फिर्ता आउन निर्देशन दिएको प्रधानमन्त्रीका प्रेस सल्लाहकार सूर्य थापाले जानकारी दिए ।
सुदूरपश्चिममा नेकपा एमालेको समर्थनमा नेकपा माओवादी केन्द्र नेतृत्वको सरकार छ । नेकपा एमालले समर्थन फिर्ता लिएपनि अधिकांश सदस्य माधव नेपाल–झलनाथ समूहका छन् ।
वि.सं.२०७८ जेठ १० सोमवार २०:२३ मा प्रकाशित
