Sansar News
१० जेठ, काठमाडौँ । नेकपा एमालेले वरिष्ठ नेताद्वय माधवकुमार नेपाल र झलनाथ खनालसहित ११ जनालाई पार्टीबाट निष्कासन गरेको छ ।
प्रधानमन्त्रीको सरकारी निवास बालुवाटारमा सोमबार बसेको स्थायी कमिटी बैठकले नेपाल खनाल सहित ११ जना सांसदलाई पार्टीको साधारण सदस्य समेत नरहने गरि निष्कासन गरेको हो ।
नेपाल र खनालसहित भीम रावल, मुकुन्द न्यौपाने, रामकुमारी झाँक्री, कल्याणी खड्का, सरला यादव, पुष्पाकुमारी कर्ण, कलिला खातुन, लक्ष्मी कुमारी चौधरी, निरादेवी जैरुले पार्टीविरूद्द गतिविधि गरेकोमा निष्कासन गरिएकाे जानकारी प्रधानमन्त्रीका प्रेस सल्लाहकार सूर्य थापाले सामाजिक सञ्जालमा दिएका छन् ।
यसअघि शनिबार बालुवाटारमा बसेको स्थायी कमिटी बैठकले उनीहरूलाइ नेपाली काँग्रेसका सभापति तथा प्रमुख प्रतिपक्ष नेता शेरबहादुर देउवालाई प्रधानमन्त्री बनाउन हस्ताक्षर गरेको आरोपमा स्पष्टीकरण सोधिएको थियो । सोमबार बिहानसम्म जवाफ माग्दै स्पष्टीकरण सोधिएकोमा कसैले पनि जवाफ नदिएपछि आजको बैठकले उनीहरुलाई कारवाही गरेको हो ।
वि.सं.२०७८ जेठ १० सोमवार २०:०१ मा प्रकाशित
