हामी सबैकाे संसारन्यूज

जेठ १०, काठमाडौं । प्रतिनिधि सभा विघटन बदर गर्न र नेपाली कांग्रेसका सभापति शेरबहादुर देउवालाई प्रधानमन्त्रीमा नियुक्त गर्न माग गर्दै विपक्षी गठबन्धनले सोमबार सर्वोच्चमा रिट निवेदन दर्ता गरेको छ । विपक्षी गठबन्धनले १४६ सांसद उपस्थित गराई रिट दर्ता गराएको हो ।

रिटमा नेपाली कांग्रेस, नेकपा (माओवादी केन्द्र), नेकपा (एमाले)को माधव समूह, जनता समाजवादी पार्टीको (उपेन्द्र समूह) र राष्ट्रिय जनमोर्चाका गरि १ सय ४६ सांसदले हस्ताक्षर गरेका छन् । रिटमा कांग्रेसका ६१, माओवादीका ४९, एमालेका २३ , जसपाका १२ र राष्ट्रिय जनमोर्चाका १ जना सांसदको हस्ताक्षर छ ।

रिटमा संविधानको धारा ७६ को उपधारा ९५० अनुसार सरकार गठनको आह्वान हुँदा १४९ जना सांसदसहित प्रधानमन्त्रीमा दाबी पेस गरेका शेरबहादुर देउवालाई प्रधानमन्त्रीमा नियुक्त गर्न परमादेशको मागसमेत गरिएको छ भने जेठ ७ को राती मन्त्रिपरिषदको सिफारिसमा राष्ट्रपति विद्यादेवी भण्डारीले गरेको संसद विघटनको निर्णय खारेजीको माग गरिएको छ ।

यी हुन् रिटमा हस्ताक्षर गर्ने १४६ सांसद (रिटकाे पूर्णँपाठसहित)