हामी सबैकाे संसारन्यूज

१५ जेठ, काठमाडौँ । विभिन्न ६ मागका सन्दर्भमा १४ राजनीतिक संगठनहरुले कार्यगत एकता गरेका छन् ।

आज बसेको १४ राजनीति संगठनको बैठकले वर्तमान सरकार विस्तापित गर्नुपर्ने निष्कर्ष निकाल्दै अग्रगामी रणनीतिको विकल्पका रुपमा जनगणतन्त्र/वैज्ञानिक समाजवादी व्यवस्थामा सहमति गरेको छ ।

६ बुँदे विभिन्न निर्णय गर्दै बैठकले कार्यनीतिक रुपमा सरकार, व्यवस्थापिका, व्यवस्था, यसका प्रक्रिया आदि विकल्पलाई अझ ठोस बनाउनका लागि थप गृहकार्य गरिने भएकाे छ ।

सरकारसँग कोभिडका विरामीको निःशुल्क उपचार व्यवस्था गर्न, जनतालाई निःशुल्क खोप लगाउने व्यवस्था गर्न माग गरेको छ ।

त्यस्तै एमसीसी तथा नागरिकता सम्बन्धी अध्यादेश फिर्ता लिन माग गर्दै विप्लव नेतृत्वको नेकपासँग सरकारले गरेको ३ बुँदे सम्झौता अनुसार उक्त पार्टीका नेता हेमन्तप्रकाश ओलीलगायत सबै बन्दी नेता तथा कार्यकर्ताहरुको रिहाईमा जोड दिएको छ ।