हामी सबैकाे संसारन्यूज

१७ जेठ, काठमाडौं । आयरल्याण्डको डब्लिनबाट पोल्याण्डका लागि १६० यात्रु बोकेर उडेको एक जहाजमा बम राखिएको धम्कीपछि आपतकालिन अवतरण गरिएको छ ।

आइतबार स्थानीय समय अनुसार ५ बजेको समयमा डब्लिनबाट पोल्याण्डका लागि उडेको रायन एयरको विमान एफआर १९०१ विमानमा बम राखिएको धम्किपछि जर्मनको बर्लिनमा अवतरण गरिएको बीबीसीले जनाएको छ ।

रायन एयरलाईन्सका प्रवक्ताका अनुसार बम राखिएको धम्किपछि बर्लिनको एयरपोर्टमा आपतकालिन अवतरण गेर जहाजबाट सबै यात्रु बाहिर निकालेर जहाजभित्र अनुसन्धान गर्ने क्रममा केही नभेटिएपछि झण्डै ७ घण्टापछि जहाजले त्यहाँबाट पोल्याण्डका लागि उडान भरेको थियो ।

बमको धम्किपछि सुरक्षाका कारण यात्रुको अतिरिक्त समय लिनु परेको भन्दै प्रवक्ताले माफी समेत मागेका छन् ।