हामी सबैकाे संसारन्यूज

जेठ १७, काठमाडौं । राष्ट्रपति विद्या भण्डारीले अन्तराष्ट्रिय समुदायसँग गरेको खोप याचनाप्रति नेता भीम रावलले आपत्ती जनाएका छन् । सोमबार सामाजिक सञ्जालमार्फत उनले राष्ट्रपतिले संविधान र प्रणालीको उल्लंघन गर्दै याचना गरेको बताए ।

‘कोरोनाबाट त्रसित जनताको मनोदशाको शोषण गर्दै राष्ट्रपतिले कार्यकारी प्रमुख झैं विभिन्न देशका राष्ट्रपतिलाई खोप याचना पत्राचार गर्नु संविधान र प्रणालीको उल्लंघन हो’, उनले सामाजिक सञ्जालमा भनेका छन् ।

कोरोनाबाट त्रसित जनताको मनोदशाको शोषण गर्दै राष्ट्रपतिले कार्यकारी प्रमुख झैं विभिन्न देशका राष्ट्रपतिलाई खोप याचना पत्राचार गर्नु संविधान र प्रणालीको उल्लंघन हो।यसले,के प्रमं र सरकार निकम्मा भई राष्ट्रपति कहाँ अधिकार बुझाउने असंवैधानिक बाटोमा अग्रसर हो भन्ने गम्भीर प्रश्न उठ्छ।

— Dr. Bhim Rawal (@BhimRawal179) May 31, 2021

रावलले खोप याचनामा देखिएको राष्ट्रपतिको सक्रियताप्रति पनि प्रश्न उठाएका छन् । उनले प्रधानमन्त्री केपी शर्मा ओली कार्यकारी अधिकार राष्ट्रपतिलाई बुझाउने बाटोमा त लागेको होइन् भनि प्रश्न गरेका छन् । उनले भनेका छन्, ‘के प्रमं र सरकार निकम्मा भई राष्ट्रपति कहाँ अधिकार बुझाउने असंवैधानिक बाटोमा अग्रसर हो भन्ने गम्भीर प्रश्न उठ्छ।’

कोभिड–१९ विरुद्वको खोप सहयोग गर्न राष्ट्रपतिले चीनसहित विभिन्न देशका समकक्षीलाई अनुरोध गर्दै पत्र लेखेकी थिइन् । सोमबार मात्रै उनले बेलायतकी महारानीलाई पत्र लेख्दै सहयोग गर्न आग्रह गरेकी थिइन् ।

सम्बन्धित समाचार

कांग्रेस नेतृ संग्रौलाको आशंका : राष्ट्रपतिलाई सक्रिय बनाउन खोजिएको त होइन् ?