हामी सबैकाे संसारन्यूज

१९ जेठ, काठमाडौं । एनआरएनए अफ्रिकाको नेपालमा तत्काल अक्सिजन सहयोग अभियान अन्तर्गत अछामको बयलपाटा अस्पताललाई थप १० था अक्सिजन सिलिण्डर हस्तान्तरण गरिएको छ ।

संघले दाताहरुको तर्फबाट स्थानिय समाजसेवी, जिल्ला विकास समिति अछामका पूर्व सभापति, नेपाली कांग्रेस अछामका सभापति भरतकुमार स्वारले १० थान अक्सिजन सिलिन्डर बयालपाटा अस्पतालका प्रमुख डाक्टर मन्दिप पाठकलाई बुधबार हस्तान्तरण गरेका हुन् ।

यसअघि उक्त अस्पताललाई १० थान र जिल्ला अस्पताल मङ्गलसेनलाई २० थान गरि अछाममा ३० थान अक्सिजन सिलिन्डर हस्तान्तरण गरिएको छ ।

संघको यो अभियानले देशका ११ जिल्लाका २६ अस्पताल र स्वास्थ्य केन्द्रमा १२५ थान अक्सिजन सिलिन्डर (खरिद सहित), १०२५ रिफिल अक्सिजन सिलिन्डर र स्वास्थ्य सामाग्रीहरु गरि ३५ लाख भन्दा बढीको सहयोग गएको तीन हप्तामा स्थानीय संघ सस्थाहरुको सहयोगमा सोझै अस्पताल र स्वास्थ्यकेन्द्रहरुमा हस्तान्तरण गरिसकेको छ ।

संघको अफ्रिकाका राष्ट्रिय समन्वय समितिहरुलो यो अभियानमा सहयोग पुरयाउने एनआरएनए अभियन्ताहरु, सामाजसेवी संघ, सस्था र अभियन्ताहरु, धनगढीस्थित ह्युमानिटी फाउन्डेसन, युगान्डाको रुपारेलिया फाउन्डेसन लगायत सम्पूर्ण सहयोगी शुभचिन्तकहरुमा हार्दिक आभार व्यक्त गरेको छ ।