हामी सबैकाे संसारन्यूज

२१ जेठ, काठमाडौँ । विश्वकप २०२२ को छनोटमा अष्ट्रेलियाले कुवेतमाथि सहज जित हात पारेको छ । एसियाली छनोटअन्तर्गत समूह ‘बी’ को खेलमा अष्ट्रेलियाले कुवेतलाई ३–० ले हराएको हो ।

अष्ट्रेलियाका लागि खेलको पहिलो मिनेटमै लेकीले गोल गर्दै लाई अग्रता दिलाएका थिए । त्यसैगरी २४औँ मिनेटमा ज्याकसनले पेनाल्टीमा गोल गर्दै अष्ट्रेलियाको अग्रता दोब्बर बनाए । खेलको दोस्रो हाफको ६६ औँ मिनेटमा एजडिनले गोल गर्दै अष्ट्रेलियालाई ३–० गोलको जित दिलाएका थिए । जितसहित ५ खेलबाट १५ अंक जोडेको अष्ट्रेलिया तालिकाको शीर्ष स्थानमा छ । दोस्रो स्थानको कुवेतको १० अंक छ । समान अंक भएको जोर्डन तेस्रो स्थानमा छ । ६ खेलबाट ६ अंक जोडेको नेपाल तालिकाको चौथो स्थानमा छ ।

त्यसैगरी समुह ‘ई’ को खेलमा भारत पराजित भएको छ । भारत घरेलु टिम कतारसँग १-० गोलले पराजित भएको हो । खेलको ३३ औँ अब्देलाजिज गोल गर्दै कतारलाई जित दिलाएका थिए ।

समुह ई मा कतार १९ अंकसहित शीर्ष स्थानमा छ। दोस्रो स्थानको ओमानको १२ अंक छ । तेस्रो स्थानको अफगानिस्तानको ५ अंक छ भने चौथो स्थानको भारतले ३ अंक मात्र जोड्न सकेको छ । पाँचौ स्थानको बंगलादेशले २ अंक मात्र बटुलेको छ ।