हामी सबैकाे संसारन्यूज

२३ बैशाख, काठमाडौं । राष्ट्रपति विद्यादेवी भण्डारीले स्वास्थ्यकर्मी तथा स्वास्थ्य संस्थाको सुरक्षा सम्बन्धी (पहिला संशोधन अध्यादेश २०७८) जारी गरेकी छन् ।

राष्ट्रपति भण्डारीले संविधानको धारा ११४ को उपधारा (१) बमोजिम मन्त्रिपरिषद्को सिफारिसमा उक्त अध्यादेश जारी गरेकी हुन् । उक्त अध्यादेशमा स्वास्थ्यकर्मी तथा स्वास्थ्य संस्थामाथि आक्रमण गर्नेहरुलाई कडा कारबाहीको व्यवस्था रहेको छ ।

देशमा कोरोना महामारी तिब्र रुपमा बढिरहेको र विभिन्न जिल्लामा कोरोना संक्रमितको उपचार खटिएका चिकित्सक, नर्स तथा स्वास्थ्यकर्मीमाथि निरन्तर आक्रमणका घटना घट्न थालेपछि नेपाल चिकित्सक संघले स्वास्थ्यकर्मीको सुरक्षाका लागि सातदिन भित्रमा अध्यादेश जारी गर्न सरकारसँग माग गरेको थियो ।