हामी सबैकाे संसारन्यूज

२४ जेठ, काठमाडौँ । इसिसी विश्वकप लिग(२ अन्तर्गत नेपालले स्पेनमा नामिबिया र स्कटल्याण्डसँग त्रिकोणात्मक सिरिज खेल्ने भएको छ । नेपाल क्रीकेट संघ९क्यान०ले नेपालले अर्को महिना स्पेनमा त्रिकोणात्मक सिरिज खेल्ने पक्का भएको जनाएको हो ।

यसअघि स्कटल्यान्डमा हुने तय भएको सिरिज कोरोना भाइरसका कारणका त्यहाँ लगाइएको यात्रा प्रतिबन्धका कारण स्पेनमा गर्न लागिएको नेपाल क्रिकेट संघ ९क्यान० का एक केन्द्रीय सदस्यले जनाकारी दिए । सिरिज दक्षिण स्पेनको डेजर्ट स्प्रिङ्ग्स मैदानमा हुनेछ । यो मैदानले केहीअघि मात्र एकदिवसीय मैदानको मान्यता पाएको थियो ।

प्रत्येक टिमले ९ सिरिज खेल्नु पर्ने लिग-२ मा नेपालले अहिलेसम्म एक सिरिज मात्र खेलेको छ । २०७६ फागुनमा नेपालमा भएको सिरिजमा नेपाल, अमेरिका र ओमानले प्रतिस्पर्धा गरेका थिए।

सिरिजमा नेपालले दुई खेलमा जित हात पारेको थियो। नेपालले अमेरिकालाई दुवै खेलमा हराउँदा ओमानविरुद्धको दुवै खेल गुमाएको थियो।

लिग-२ मा नेपाल, ओमान, अमेरिका, नामिबिया, स्कटल्यान्ड, पपुवा न्युगिनी र युएई गरी ७ टिमबीच प्रतिस्पर्धा भइरहेको छ।