हामी सबैकाे संसारन्यूज

असार १, काठमाडौं । नेकपा (एमाले)की नेतृ रामकुमारी झाँक्रीले व्यवस्था परिवर्तन पछि पनि खराब व्यक्ति सत्तामा जाँदा समस्या भएको टिप्पणी गरेकी छिन् । प्रधानमन्त्रीसमेत रहेका एमाले अध्यक्ष केपी शर्मा ओलीप्रति संकेत गर्दै उनले यस्तो टिप्पणी गरेकी हुन् ।

सामाजिक सञ्जालमार्फत उनले माओवादी केन्द्रका अध्यक्ष पुष्पकमल दाहाल प्रचण्ड र एमालेका वरिष्ठ नेता माधवकुमार नेपालसँगै भएको तस्बिर शेयर गर्दै उनले ओलीलाई सत्तामा पुर्याउनु आफुँहरुको भुल भएको बताएकी छिन् ।

सामाजिक सञ्जालमार्फत उनले भनेकी छिन्, ‘कुनै समय थियो, आन्दोलनको हर मोर्चामा हामी सँगसँगै थियौँ। सपना थियो, एउटा लोकतान्त्रिक व्यवस्था जहाँ सरकार जनताप्रति सधै जवाफदेही होस्। व्यवस्था परिवर्तन पछि खराब पात्रलाई शाशन सत्तामा पुर्यावउनु हाम्रो भूल भयो।’