Sansar News
२ असार, काठमाडौँ । युरो २०२० अन्तर्गत फ्रान्सले जर्मनीलाई १-० गोलले पराजित गरेको छ । जर्मनीका माट्स हुमेल्सले गरेको आत्मघाती गोल नै फ्रान्सलाई जित निकाल्न पर्याप्त बन्यो ।
खेलको २० औं मिनेटमा हुमेल्सले आफ्नै पोस्टमा गोल गर्न पुगेका थिए । फ्रान्सका लुकास हर्नान्डेजको क्रस रोक्ने क्रममा हुमेल्सको प्रहारले जाली चुमेको थियो ।
खेलको ६६ मिनेटमा एमबाप्पे र ८६ मिनेटमा करिम बेन्जिमाले बललाई जाली चुमाए पनि रेफ्री अफसाइड घोषित गरे । जितसँगै विश्वविजेता फ्रान्सले ३ अंक जोडेको छ ।
वि.सं.२०७८ असार २ बुधवार ०९:५९ मा प्रकाशित
