Sansar News
६ असार, काठमाडौँ । रिलायबल नेपाल लाइफ इन्स्योरेन्स कम्पनीले प्राथमिक शेयर निष्काशनका लागि ‘केयर एनपि ट्रिपल बि’ रेटिङ प्राप्त गरेको छ । केयर रेटिङ नेपालले गरेको इस्युअर रेटिङ अनुसार कम्पनीले केयर एनपी ट्रिपल बि रेटिङ प्राप्त गरेको हो ।
कम्पनीले सर्वसाधरणलाई ६० करोड रुपैयाँ बराबरको ६० लाख कित्ता शेयर निष्काशन गर्ने तयारी गरेको छ । कम्पनीले धितोपत्र निष्काशन तथा बिक्री प्रवन्धकमा सिभिल क्यापिटललाई नियुक्त पनि गरिसकेको छ । हाल कम्पनीको १ अर्ब ४० करोड रुपैयाँ छ भने आईपिओ निष्काशनपछि २ अर्ब पुग्ने छ ।
वि.सं.२०७८ असार ६ आइतवार १५:५५ मा प्रकाशित
