Sansar News
६ असार, काठमाडौं । पूर्वप्रधानमन्त्री तथा नेकपा एमालेका वरिष्ठ नेता झलनाथ खनालको स्वास्थ्यमा सुधार आएको छ ।
दिल्लीस्थित अपोलो अस्पतालमा उपचारत नेता खनालको स्वास्थ्यमा उल्लेख्य सुधार आएको छ ।
ज्वरो, खोकी र टाउको दुख्ने समस्या हटिसकेको र अक्सिजन सर्पोट पनि हटाईएको खनालका स्वकीय सचिव कृष्ण भट्टराईले बताएका छन् ।
‘वहाको स्वास्थ्यमा उल्लेख्य सुधार भैरहेको छ । ज्वरो, टाउको दुख्ने समस्या र खोकी हटिसकेको छ। Oxygen Support पनि हटाइएको छ । थप स्वास्थ्य उपचारको क्रममा केहि समय भने लाग्नेछ ।’ भट्टराईले भने ।
गत साता ज्वरो आएपछि थापाथलीस्थित नर्र्भिक अस्पतालमा भर्ना भएका नेता खनाललाई थप उपचार आवश्यक भएपछि असार २ दिल्ली लगिएको थियो । भट्टराईका अनुसार नेता खनालको उपचारमा अझै केही दिन लाग्नेछ ।
वि.सं.२०७८ असार ६ आइतवार १५:३८ मा प्रकाशित
