हामी सबैकाे संसारन्यूज

६ असार, काठमाडौं । विदेश जानेहरुको पिसीआर परीक्षणमा आएको अन्यौलताका बारेमा स्वास्थ्य तथा जनसंख्या मन्त्रालयले पुरानै निर्णय यथावत रहेको बताएको छ ।

विदेश जानेहरुका लागि कोभिड १९ परीक्षणका लागि सबै सरकारी पिसीआर प्रयोगशाला र न्यूनतम् १०० बेड भएका अस्पतालमा आधारित रहेका वा ‘ए’ वर्गका निजी प्रयोगशालाहरुले गरेको मान्य हुने भनेर २०७८ बैसाख १९ गते नै निर्णय भइसकेको र सोहि निर्णय यथावत रहेको प्रष्ट पारेको छ ।

‘त्यसपछि यसका सम्बन्धमा कुनै पनि थप निर्णय भएको छैन,’ मन्त्रालयद्धारा जारी विज्ञप्तिमा भनिएको छ, ‘यद्यपी हिँजो र आज विभिन्न संचार माध्यममाहरुमा विदेश जानेको प्रयोजनको हकमा कोभिड १९ परीक्षण सम्बन्धी निजी प्रयोगशालाहरुको नाम मात्र राखी भ्रामक, निराधार र गलत समाचार प्रकाशन भएकाले सर्बसाधारणलाई अन्यौल भई कठिनाई हुने देखिन्छ ।’