Sansar News
८ असार, पोखरा । गण्डकी प्रदेशमा आज ४८० जनामा कोरोना संक्रमण पुष्टि भएको छ ।
प्रदेशको स्वास्थ्य निर्देशनालयका अनुसार आज म्याग्दीमा १७, पर्बतमा १, गोरखामा ९२, लमजुङमा ९, तनहुँमा ७२, कास्कीमा १३८, बागलुङमा ६८, स्याङजामा २९ र नवलपरासीपूर्वमा ५४ जना गरी ४८० जनामा संक्रमण पुष्टि भएको हो । साथै प्रदेशमा आज ५६६ जना संक्रमणबाट मुक्त भएका छन् ।
आज थपिएका ४८० जनासँगै प्रदेशमा हालसम्म ५२,१४७ जनामा संक्रमण पुष्टि भएको छ भने ४८,९९५ जना संक्रमण मुक्त भएका छन् ।
त्यसैगरी प्रदेशमा आज कास्कीका ३, बाग्लुङका २ र स्याङजाका १ गरी ६ जनाको मृत्यु भएको छ । आज थपिएका ६ जनासँगै प्रदेशमा हालसम्म ज्यान गुमाउनेको संख्या ९०१ पुगेको छ । प्रदेशमा हाल ३२७५ जना सक्रिय संक्रमित रहेका छन् ।
कोरोना संक्रमणबाट गण्डकी प्रदेशमा थप ६ जनाको मृत्यु, मृतकको संख्या ८९५ पुग्यो
वि.सं.२०७८ असार ८ मंगलवार १७:३६ मा प्रकाशित
