Sansar News
७ असार, पोखरा । गण्डकी प्रदेशमा थप ६ जना कोरोना संक्रमितको मृत्यु भएको छ ।
आज कास्कीमा ३ जना, म्याग्दी र लमजुङमा १÷१ जना गरी ५ जनाको मृत्यु भएको हो । आज थपिएका ५ जनासँगै प्रदेशमा कोरोना संक्रमणबाट ज्यान गुमाउनेको संख्या ८९५ पुगेको छ ।
त्यसैगरी प्रदेशमा आज म्याग्दीमा ४, पर्बतमा ८, गोरखामा १८, लमजुङमा १७, तनहुँमा २४, कास्कीमा १५३, बाग्लुङमा ७, स्याङजामा ३४ र नवलपरासीपूर्वमा ३० जना गरी २७७ नयाँ संक्रमित थपिएका छन् । ती मध्ये १३३ महिला र १४४ पुरुष रहेका छन् ।
प्रदेशमा आज ६५५ जना सक्रमणबाट मुक्त भएका छन् । प्रदेशमा केही सातायता संक्रमित हुनेभन्दा निको हुनेको संख्या बढ्दै गएको छ ।
आज थपिएका २७७ जनासँगै प्रदेशमा संक्रमित हुनेको संख्या ५२,६९१ पुगेको छ भने ४८,४२९ जना संक्रमणबाट मुक्त भएका छन् । प्रदेशमा ३३६७ जना सक्रिय संक्रमित रहेका छन् ।
वि.सं.२०७८ असार ७ सोमवार १७:४७ मा प्रकाशित
