Sansar News
९ असार, पोखरा । गण्डकी प्रदेशमा पछिल्लो २४ घण्टामा थप ४ जना कोरोना संक्रमितको मृत्यु भएको छ ।
प्रदेशको स्वास्थ्य निर्देशनालयका अनुसार आज कास्कीका ३ र स्याङजाका १ गरी ४ जनाको मृत्यु भएको हो । आज थपिएका ४ जनासँगै प्रदेशमा हालसम्म ९०५ जनाको मृत्यु भएको छ ।
त्यसैगरी पछिल्लो २४ घण्टामा म्याग्दीमा ९, पर्बतमा ५०, लमजुङमा २१, तनहुँमा ४, कास्कीमा ६०, बागलुङमा १७, स्याङजामा १६ र नवलपरासीपूर्वमा ३९ जना गरी २१६ जना नयाँ संक्रमित थपिएका हुन् । ती मध्ये १०२ जना महिला र ११४ जना पुरुष रहेका छन् ।
आज थपिएका २१६ जनासँगै प्रदेशमा संक्रमित हुनेको संख्या ५३,३८७ पुगेको छ भने सोहि अवधिमा ४९,३७१ जना संक्रमणबाट मुक्त भएका छन् ।
वि.सं.२०७८ असार ९ बुधवार १७:४५ मा प्रकाशित
