हामी सबैकाे संसारन्यूज

१० असार, काठमाडौँ । युरोकप २०२० को समूह चरणको खेलहरु सकिएका छन् । समूह चरणका खेल सकिएसँगै अन्तिम १६ मा पुग्ने टिमहरूको पनि टुंगो लागेको छ । गएराति ग्रुप एफको समूह चरणको अन्तिम खेलहरु समाप्त भएपछि छनोट भएका टोलीको टुंगो लागेको छ ।

अन्तिम १६ मा ६ समूहका विजेता र उपविजेता गरी १२ टिम पुगेका छन भने ६ समूहमा तेस्रो हुने ४ टिमले पनि अन्तिम १६ मा स्थान पाएका छन । तेस्रो भएका ६ टिम मध्ये उत्कृष्ट ४ टिमले अन्तिम १६ मा स्थान बनाएका हुन् ।

इटाली, बेल्जियम, नेदरल्याण्ड्स, इंगल्यान्ड, स्वीडेन र फ्रान्स समूह विजेता हुँदै नकआउट चरणमा प्रवेश गरेका छन । वेल्स, डेनमार्क, अष्ट्रिया, क्रोयसिया, स्पेन, जर्मनी समूह उपविजेता भएर नकआउट चरणमा प्रवेश गरेका छन । तेस्रो स्थानका उत्कृष्ट ४ टोली स्वीटजरल्यान्ड, युक्रेन, चेक रिपब्लिक र पोर्चुगल पनि नकआउट चरणमा प्रवेश हुन ।

यूरोकपको अन्तिम १६ का खेल शनिबार (असार १२ गते) देखि सुरु हुनेछ । अन्तिम १६ को पहिलो खेलमा वेल्सले डेनमार्कको सामना गर्ने छ ।

अन्तिम १६ का खेलहरू :

वेल्स भर्सेस डेनमार्क –  असार १२ गते
इटाली भर्सेस अस्ट्रिया – असार १२ गते

नेदरल्यान्ड्स भर्सेस चेक – असार १३ गते
बेल्जियम भर्सेस पोर्चुगल – असार १३ गते

क्रोएसिया भर्सेस स्पेन – असार १४ गते
फ्रान्स भर्सेस स्विट्जरल्यान्ड – असार १४ गते

इंग्ल्यान्ड भर्सेस जर्मनी – असार १५ गते
स्विडेन भर्सेस युक्रेन – असार १५ गते राति