Sansar News
१० असार, काठमाडौँ । एएफसी वुमेन्स एसियन कप २०२२ को क्वालिफायरमा नेपालले हङकङ र फिलिपिन्ससँग खेल्ने भएको छ ।
एसियाली फुटबल महासंघ (एएफसी) ले बिहीबार सार्वजनिक गरेको ड्र अनुसार नेपाल, हङकङ र फिलिपिन्स समूह ‘एफ’ मा परेका छन् ।
समूह ‘एफ’ को आयोजकको रुपमा नेपाल रहनेछ र नेपालले घरेलु मैदानमै खेल्ने अवसर पाउनेछ । क्वालिफायर छनोटका खेलहरु सेप्टेम्बर १३ देखि सुरु हुनेछ ।
क्वालिफायरमा २८ राष्ट्रले प्रतिस्पर्था गर्नेछन् । जसलाई ८ समूहमा विभाजन गरिएको छ । चार समूहमा ४-४ टिम छन् भने अर्को चार समूहमा ३-३ टिम रहेका छन् ।
समूहको शीर्ष टिम जनावरी २०२२ मा भारतमा हुने एएफसी वुमेन्स एसियन कपमा छनोट हुनेछ।
वि.सं.२०७८ असार १० बिहीवार १६:५१ मा प्रकाशित
