हामी सबैकाे संसारन्यूज

१३ असार, काठमाडौँ । अष्ट्रियालाई पराजित गर्दै इटली युरोकप २०२० को क्वाटरफाइनलमा प्रवेश गरेको छ । शनिबार राति भएको दोस्रो प्रिक्वाटरफाइनलमा इटलीले अष्ट्रियालाई २-१ ले पराजित गरेको हो ।

खेलमा निर्धारित ९० मिनेटको खेल गोलरहित बराबरीमा सकिएको थियो । त्यसपछि थपिएको ३० मिनेटको अतिरिक्त समयमा इटालीले दुई गोल गर्‍यो ।

खेलको ९५ औँ मिनेटमा फेडेरिको चिएसाले गोल गर्दै इटालीलाई अग्रता पहिलो अग्रता दिलाएका थिए भने १०५ औँ माटेओ पेसिनाले गोल गर्दै अग्रता दोब्बर पारेका थिए । अस्ट्रियाका लागि कालजडिकले ११४ मिनेटमा गोल फर्काउँदै टिमलाई खेलमा फर्काउने कोशिस गरेका थिए ।

इटलीले लगातार अपराजित रहने ८२ वर्ष पुरानो आफ्नै कीर्तिमान तोडेको छ । लगातार ३१ खेलसम्म अपराजित इटलीले यसअघि १९३५-३९ मा आफैले बनाएको ३० खेलको कीर्तिमान तोडेको हो ।