Sansar News
१३ असार, काठमाडौँ । अपि पावर कम्पनी लिमिटेडको हकप्रद शेयरमा आवेदन दिने आज अन्तिम दिन रहेको छ ।
अपि पावर कम्पनी लिमिटेडले जेठ २० गते देखि हकप्रद शेयर निष्काशन तथा बिक्री खुला गरेको थियो । कम्पनीले ०:२९३८ अनुपातमा हकप्रद सेयर बिक्री खुला गरेको हो ।
हकप्रद जारी गर्न कम्पनीले वैशाख २९ गते बुक क्लोज गरेको थियो । बैशाख २८ गतेसम्म कायम भएका शेयरधनीहरुले मात्रै कम्पनीको हकप्रदमा आवेदन दिन पाउनेछन् ।
अपि पावर कम्पनीले ५६ करोड ७० लाख रुपैयाँ बराबरको ५६ लाख ७० हजार कित्ता हकप्रद सेयर बिक्री खुला गरेको हो । हकप्रद शेयरको बिक्री प्रबन्धक मुक्तिनाथ क्यापिटल लिमिटेड रहेको छ ।
हकप्रदमा मुक्तिनाथ क्यापिटल, अपि पावर कम्पनी, ट्रेड टावर थापाथली तथा मुक्तिनाथ विकास बैंकको इटहरी, पोखरा, नागढुंगा, नारायणगढ, सुर्खेत, नेपालगंज, धनगढी र जनकपुर शाखा कार्यालयबाट आवेदन दिन सकिनेछ । यसका साथै, मेरो सेयर सफ्टवेयरमार्फत अनलाइनबाट आवेदन दिन सकिनेछ ।
वि.सं.२०७८ असार १३ आइतवार ११:४१ मा प्रकाशित
