Sansar News
मिलनकुमार ढुङ्गाना, झापा
गधा धोएर गाई हो नभन्नू
म मात्रै छु यहाँ बाठो नभन्नू
हजारौँ फूलको गाँस्तै छु माला
सधैँ दुर्बल छ यो धागो नभन्नू
तिमीले देवता ठान्यौ म बिग्रेँ
गलत गर्दा भयो राम्रो नभन्नू
अभरमा साथ खोज्दै हुन्छ मान्छे
तँ भिन्नै जातको थरको नभन्नू
प्रकृतिले नै बनायो काग कालो
कसैको स्वार्थमा सेतो नभन्नू
बहर : बहरे हजज मुसद्दस महजूफ
अर्कान : मुफाईलुन् , मुफाईलुन् , फऊलुन्
वजन : १२२२ १२२२ १२२
काफिया बन्धन : ओ
रदिफ : नभन्नू
अभ्यास : उज्यालो पाठशाला
वि.सं.२०८३ वैशाख १९ शनिवार ०७:५२ मा प्रकाशित
