Sansar News
लक्ष्मी दास शर्मा
टासिछोलिङ,साम्ची,भुटान
प्रणाम बुद्ध तिमीलाई हटाइदियौ अन्धकार
बुद्ध तिमी जन्मिएर जगमगाइदियौ संसार
लुम्बिनीको बगैँचामा फक्री निस्क्यो करुणाको फूल
मानवता सिकाउँदै फैलियो शान्तिको उपहार
चार आर्य सत्यको मधुर ध्वनि गुन्जियो आत्मामा
अष्टमार्गको बाटो देखाई फैलिरह्यो सुविचार
अज्ञानका बन्धन टुटून्, मुक्त होऊन् सबै प्राणीहरू
मायाको तुवाँलो चिरेर बनोस् मानव दिलदार
अनन्त प्रार्थनामा डुबेर सम्झिऊँ बुद्धको नाम
हृदय हृदयमा सधैँ बगिरहोस् ज्ञानको धार।
शेष अनुप्रास : आर
वि.सं.२०८३ वैशाख १९ शनिवार ०७:५९ मा प्रकाशित
