हामी सबैकाे संसारन्यूज

१३ असार, पोखरा । गण्डकी प्रदेशमा आइतबार थप ११ जना कोरोना संक्रमितको मृत्यु भएको छ ।

प्रदेशको स्वास्थ्य निर्देशनालयका अनुसार कास्कीमा ८, स्याङजामा २ र तनहुँमा १ गरी ११ जनाको मृत्यु भएको हो । आज थपिएका ११ जनासँगै प्रदेशमा हालसम्म कोरोना संक्रमणबाट ज्यान गुमाउनेको संख्या ९३४ पुगेको छ ।

त्यसैगरी प्रदेशमा आज म्याग्दीमा ३५, पर्बतमा २२, गोरखामा ५३, लमजुङमा १, तनहुँमा ४८, कास्कीमा ६७, बाग्लुङमा ६१, स्याङजामा ३९ र नवलपरासीपूर्वमा ११ जना गरी ३३७ जना नयाँ संक्रमित थपिएका छन् । ती मध्ये १५४ जना महिला र १८३ पुरुष रहेका छन् ।

आज थपिएका ३३७ जनासँगै प्रदेशमा हालसम्म ५४ हजार ६१० जना संक्रमित भएका छन् भने ती मध्ये ५० हजार ९८७ निको भएका छन् ।
प्रदेशमा हाल २६८९ जना सक्रिय संक्रमित रहेका छन् । ती मध्ये २३९९ जना होम आइसोलेशनमा रहेका छन् ।