हामी सबैकाे संसारन्यूज

१४ असार, काठमाडौं । कोकाकोलाले महामारीबाट किराना र पसल संचालकलाई सहयोग गर्ने भएको छ । किराना स्टोरहरुको व्यवसायलाई पुनर्जीवित गर्न कोकाकोलाले व्हाट्सएपमार्फत द्रुत र सुविधाजनक अडरिङ सेवा सुरु गरेको हो ।

कम्पनीले जनाएअनुसार स्वचालितरूपमा बिक्रेता र वितरकहरुलाई जोड्नमा कार्यक्रमले सहयोग पु¥याउने छ । खुद्रा बिक्रेताले व्हाट्सएपको माध्यमबाट वितरकहरुसँग सिधै अर्डर लिन सक्ने कम्पनीले जनाएको छ । यो अवधारणाले व्यापारलाई अगाडि बढ्न र राम्रो सञ्चार बन्न सहयोग पु¥याउने र फिजिकल कन्ट्याक्ट हुने जोखिमबाट बचाउने कम्पनीले जनाएको छ ।

यो प्लेटफर्म अरु कम्युनिकेशन एप्लिकेसन जस्तै फेसबुक मेसेन्जर र भाइबरमा पनि सम्भव बनाइने कम्पनीले जनाएको छ । कोकाकोलाका कन्ट्री डाइरेक्टर आदर्श अवस्थीले ग्राहकलाई सुरक्षित तरिकाले नजिकैको आउटलेटबाट किन्न प्रोत्साहित गर्न खोजिएको बताए ।

कम्पनीले आफ्नो उत्पादनहरु हरेक चरणमा हाइजेनिकल्ली ह्यान्डल्ड रहेको सुनिश्चित गर्नका लागि थप सावधानी अपनाएको जनाएको छ । कम्पनीले कोकाकोलाको कुलर र त्यसमा भएको उत्पादनहरु सफा राख्ने क्लिनअप कार्यक्रमको आयोजना गर्ने भएको छ ।