Sansar News
१६ असार, काठमाडौं । नेकपा एमालेका वरिष्ठ नेता झलनाथ खनालको उपचार खर्च पार्टीले व्यहोर्ने भएको छ ।
स्वास्थ्यमा समस्या आएपछि दिल्लीको एपोलो अस्पतालमा उपचार गराइरहेका नेता खनालको उपचार खर्च पार्टीले व्यहोर्ने निर्णय गरिएको बताइएको छ ।
बालुवाटारमा बुधबार बसेको एमालेको दशौं महाधिबेशन आयोजक कमिटीको बैठकले उक्त निर्णय गर्दै खनालको शिघ्र स्वास्थ्यलाभको कामना समेत गरिएको बताइएको छ ।
सामान्य ज्वरो आएपछि थापाथलीस्थित नर्भिक अस्पतालमा भर्ना भएका नेता खनाललाई डाक्टरहरुको सल्लाहमा थप उपचारका लागि असार २ गते दिल्ली लगिएको थियो ।
वि.सं.२०७८ असार १६ बुधवार १४:५१ मा प्रकाशित
