Sansar News
१६ असार, काठमाडौँ । सामाजिक सञ्जालमा ‘चिठ्ठा पर्यो’ भन्दै ठगी हुने गरेको भन्दै नेपाल बेंकर्स संघले सर्वसाधारणलाई आफ्नो बैंक खाताको विवरण कसैलाई पनि नदिन आग्रह गरेको छ ।
पछिल्लो समय अनधिकृत व्यक्तिहरुले सामाजिक सञ्जाल मार्फत विभिन्न व्यक्तिहरुलाई चिठ्ठा परेको बहानामा ग्राहकहरुको खाता नम्बर, मोबाइल नम्बर, पासवर्ड प्राप्त गरी रकमान्तर गर्ने वा गर्न लगाउने क्रियाकलाप भइरहेकोले गर्दा यस विषयमा सजक रही आफ्नो व्यक्तिगत/गोप्य विवरण कुनैपनि व्यक्तिसँग आदान–प्रदान नगर्न संघले आग्रह गरेको छ ।
बैंकर्स संघले यस्तो शंकास्पद सन्देश आए नजिकैको बैंक शाखामा खबर गर्न पनि अनुरोध गरेको छ ।
वि.सं.२०७८ असार १६ बुधवार १५:३५ मा प्रकाशित
