हामी सबैकाे संसारन्यूज

एक बालिकाले आफ्नो पढाई खर्च जुटाउनका लागि अन्य कुनै उपाय नभएपछि आप बेच्न बसिन् । लकडाउनका कारण स्कुल बन्द भएपनि अनलाइनबाट पढ्नका लागि उनीसँग मोबाइल थिएन ।

११ वर्षीया यी भारतीय बालिका तुलसीले अनलाइनबाट क्लास लिनका मोबाइल किन्नका लागि खर्च जुटाउने उपाय सोच्न थालिन् । तर कुनै सुझेन । तत्कालै उनले आँप बेच्न बस्ने निधो गरिन् ।

जव उनी आँप बेच्न बसिन् एक व्यक्तिले उनको भिडियो बनाएर सामाजिक संजालमा राखिदिए पछि भने उनको पढाइका लागि मोबाइल खर्च जुट्यो । समाचार ऐजेन्सीका अनुसार बालिकाको मनछुने उक्त भिडियो देखेपछि मुम्बईका एक व्यक्तिले उनीसँग भएको सबै आप १ लाख २० हजारमा किनिदिएर उक्त पैसा बालिकाको बुवाको खातामा राखिदिएका थिए ।