हामी सबैकाे संसारन्यूज

१८ असार,काठमाडौँ । नेपाल कम्युनिस्ट पार्टी (एमाले)को केन्द्रीय कमिटी बैठक आज बस्दैछ ।

एमालेभित्रको विवाद समाधानका लागि एमालेको संस्थापन पक्ष एमालेको पूर्ववत साङ्गठनिक अवस्थामा फर्कन सहमत भएसँगै आजको बैठक २०७५ जेठ २ गतेको सङ्गठनात्मक हैसियतमा हुन लागेको हो ।

बुधबार अध्यक्ष केपी शर्मा ओलीले दशौं राष्ट्रिय महाधिवेशन आयोजक कमिटीको बैठक राख्दै आयोजक कमिटीलाई केन्द्रीय कमिटीमा रुपान्तरण गरेका थिए । सो निर्णयसँगै माधव पक्षका ११ नेतामाथि गरिएको कारबाही पनि स्वतः निष्प्रभावी भएको बताइएको थियो ।

तर आजको बैठकमा माधव नेपाल– झलनाथ खनाल पक्ष भने सहभागी नहुने भएको छ । बिहीबार सो समूहको बुद्धनगरमा बसेको बैठकले संस्थापन पक्षले बोलाएको केन्द्रीय कमिटी बैठकमा यथास्थितिमा नजाने सर्वसम्मत निर्णय गरेको हो ।

पार्टीको सो निर्णयपछि एमालेको नवौँ महाधिवेशनबाट निर्वाचित केन्द्रीय कमिटी तथा पदाधिकारी नै अब पूर्ण रूपमा क्रियाशील हुने भनिए पनि माधव नेपाल पक्षले केन्द्रीय कमिटी बैठकमा भाग नलिने अडान राखेका छ ।

बैठकमा उपस्थित हुनका लागि निलम्बन फुकुवा गर्दै खनाल र नेपालसहितका नेताह?लाई इमेलमार्फत पत्र र मोबाइलमार्फत एसएमएस गरी निम्ता पठाइएको थियो ।