हामी सबैकाे संसारन्यूज

१८ असार, काठमाडौँ । श्रीलंका र इंल्याण्ड बिचको दोस्रो एकदिवसीयमा श्रीलंका ८ विकेटले पराजित भएको छ ।

टस हारेर पहिलो ब्याटिङ्ग गरेको श्रीलंकाले ५० ओभरमा ९ विकेट गुमाएर २४१ रन बनाएको थियो । श्रीलंकाका लागि धनंजया डि सिल्वाले सर्वाधिक ९१ रनको पारी खेलेका थिए । इंल्याण्डका लागि बलिङ्ग तर्फ भने श्याम करणले सर्वाधिक ५ विकेट लिएका थिए भने डेविड विलिले ४ विकेट लिएका थिए ।

श्रीलंकाले दिएको २४२ रनको लक्ष्य इंल्याण्डले ४३ ओभरमा २ विकेट गुमाएर पुरा गर्यो । इंल्याण्डका लागि ब्याटिङ्गमा ३ खेलाडीले अर्धसतकीय पारी खेलेका थिए । ओपनर जेशन रोय ६० रन बनाएर आउट भएका थिए भने जो रुट ६८ रन कप्तान इयोन मोर्गन ७५ रन बनाएर नटआउट रहेका थिए । श्रीलंकाका लागि बलिङ्गमा चमिका करुणारत्ने र वानिन्दु हसरंगाले समान १ १ विकेट लिएका थिए ।

जितसँगै इंल्याण्डले १ खेल बाँकी रहदैँ ३ खेलको एकदिवसीय श्रृखलामा आफ्नो नाममा गरेको छ ।