हामी सबैकाे संसारन्यूज

असार १८, काठमाडौं । नेकपा (एमाले)का अध्यक्ष केपी शर्मा ओलीले असन्तुष्ट पक्ष (माधवकुमार नेपाल समूह)लाई पनि बैठकमा सहभागी हुन आग्रह गरेका छन् । बालुवाटारमा जारी केन्द्रीय कमिटी बैठकमा उपाध्यक्ष वामदेव गौतमलाई स्वागत गर्दै उनले यस्तो आग्रह गरेका हुन् ।

ओलीले वामेदव गौतमलाई पार्टीमा आउने–जाने नगरी पार्टीभित्रै जिम्मेवारीमा बसिरहन पनि आग्रह गरेका छन् ।

‘कमरेड वामदेव गौतम पार्टी एकता जोगाउन यो बैठकमा आउनुभएको छ, उहाँलाई स्वागत गर्दै अन्य कमरेडहरूलाई पनि भोलि हुने बैठकमा सहभागी हुन आग्रह गर्दछु’, गौतमलाई स्वागत गर्दै उनले भनेका छन्, ‘वामदेवजीलाई पनि आउने(जाने क्रम जारी नगरी आको आई गर्न अनुरोध गर्छु ।’

बालुवाटारको बैठकमा गौतम सहभागी भएकोमा ओलीले खुसी व्यक्त गरेका थिए । सर्वोच्चको आदेशसँगै साबिक अवस्थामा फर्किएको एमालेको बैठकमा गौतम पहिलोपटक सहभागी भएका हुन् ।

सम्बन्धित समाचार

एमाले बैठकमा पदाधिकारीका को गए, को गएनन् ? (नामसहित)

बालुवाटारमा एमालेको बैठक सुरु, माधव पक्ष भने भएन सहभागी

एमाले बैठक : सर्वोच्चमा बुझाएको हस्ताक्षर फिर्ता लिन माधव पक्षलाई २ दिनको समय