Sansar News
२० असार, काठमाडौँ । अर्जेन्टिना कोपा अमेरिकाको सेमिफाइनलमा प्रवेश गरेको छ । आज बिहान सकिएको खेलमा इक्वेडरलाई ३-० गोलले पराजित गर्दै अर्जेन्टिना अन्तिम चारमा पुगेको हो । इक्वेडर विरुद्धको खेलमा अर्जेन्टिनाका लागि कप्तान लिओनल मेसीले उत्कृष्ट प्रदर्शन गरेका थिए । मेसीले उक्त खेलमा एक गोल र दुई एसिस्ट गरेको थिए ।
खेलको ४० मिनेटमा डि पाउलले गोल गर्दै अर्जेन्टिनालाई पहिलो अग्रता दिलाए । दोस्रो हाफको ८४ औँ मिनेटमा अर्जेन्टिनाले अग्रता दोब्बर पार्यो । मेसीले दिएको पासमा मार्टिनेजले पेनाल्टी एरियाबाट फिनिसिङ गरेका थिए । इन्जुरी टाइममा तेस्रो मिनेटमा फ्रिकिकमार्फत् उत्कृष्ट गोल गरेका थिए ।
फाइनलमा प्रवेशका लागि अर्जेन्टिनाले अब कोलम्बियाको सामना गर्ने ।
वि.सं.२०७८ असार २० आइतवार ११:०४ मा प्रकाशित
