Sansar News
२० असार, काठमाडौँ । इंग्ल्यान्ड २५ वर्षपछि युरोकपको सेमिफाइनलमा प्रवेश गरेको छ । आइतबार विहान सम्पन्न भएको क्वार्टरफाइनल खेलमा युक्रेनलाई ४-० गोलले पराजित गर्दै इंग्ल्यान्ड युरो कपको सेमिफाइनलमा प्रवेश गरेको हो ।
खेलको चौथो मिनेटमै कप्तान ह्यारी केनले गोल गर्दै इंग्ल्यान्डलाई अग्रता दिलाएका थिए । पहिलो हाफमा १-० ले अघि रहेको इंग्ल्यान्डले दोस्रो हाफमा थप ३ गोल गरेका थियो ।
दोस्रो हाफको ४६ औँ मिनेटमा ह्यारी माग्युरले गोल गर्दै इंल्याण्डको अग्रता दोब्बर पारेका थिए । दोस्रो गोलको पाँच मिनेटपछि इंग्ल्यान्डका कप्तान ह्यारी केनले व्यक्तिगत दोस्रो र इंल्याण्डका लागि तेस्रो गोल गरेका थिए । इंग्ल्यान्डका लागि जोर्डन हेन्डर्सनले ६३ औँ मिनेटमा चौथो गोल गरेका थिए ।
इंग्ल्यान्डले अब सेमिफाइनलमा डेनमार्कसँग प्रतिस्पर्धा गर्नेछ ।
वि.सं.२०७८ असार २० आइतवार १०:५१ मा प्रकाशित
