Sansar News
२० असार, काठमाडौ । राष्ट्रिय प्रजातन्त्र पार्टी (राप्रपा)ले आगामी कात्तिकमा महाधिवेशन गर्ने भएको छ ।
शनिबार बसेको केन्द्रीय निर्देशन समितिकौ बैठकले आगामी कात्तिक २७ देखि ३० गतेसम्म काठमाडौंमा महाधिवेशन गर्ने निर्णय गरेको हो ।
फागुन ०७६ मा राप्रपा एकता भएपछि पार्टी महाधिवेशन भएको थिएन । सोही कारण एकता महाधिवेशन घोषणा गरिएको हो । यसअघि जेठमा महाधिवेशन गर्ने भनेको थियो । तर, कोरोना भाइरसको महामारीका कारण महाधिवेशन सारिएको थियो ।
अध्यक्षत्रय कमल थापा, पशुपति शमशेर जबरा र प्रकाशचन्द्र लोहनी उपस्थितमा भएको सो बैठकले महाधिवेशन कार्यतालिका समेत पारित गरेको छ । जसअनुसार भदौ मसान्तसम्ममा वडा, पालिका, प्रदेशसभा र प्रतिनिधिसभा निर्वाचन क्षेत्र तथा जिल्ला कार्य समितिहरूको निर्वाचन गरिसक्ने तालिका छ ।
बैठकले असोज ७ गतेसम्म सक्रिय सदस्यता वितरण गरिसक्ने र प्रदेश अधिवेशन पनि असोज १५ गतेसम्म गरिसक्ने लक्ष्य लिएको जनाइएको छ ।
File Pic
वि.सं.२०७८ असार २० आइतवार १४:५६ मा प्रकाशित
