Sansar News
२० असार, काठमाडौँ । सरकारले केही दिन अघि बढुवा भएका चार जना सचिवको पदस्थापन गरेको छ ।
प्रधानमन्त्री तथा मन्त्रिपरिषद् कार्यालयले जनाए अनुसार डा. दामोदर रेग्मीको गण्डकी प्रदेश प्रमुख सचिवमा पदस्थापन गरिएको छ भने गणेश प्रसाद पाण्डेलाई कर्णाली प्रदेश प्रमुख सचिवमा खटाइएको छ ।
त्यसैगरी इन्जिनियरिङ सेवातर्फ प्रमिला बज्राचार्यलाई खानेपानी मन्त्रालय र कृषि तथा वन सेवाका डा. कृष्णप्रसाद आचार्यलाई कृषि तथा पशुपन्छी मन्त्रालयमा पदस्थापन गर्ने निर्णय भएको पनि प्रधानमन्त्री कार्यालयले जनाएको छ ।
गत बिहीबार प्रधानमन्त्री निवास बालुवाटारमा बसेको मन्त्रिपरिषद् बैठकले चारै जना सचिवलाई बढुवा तथा पदस्थापन गर्ने निर्णय गरेको थियो ।
यससँगै गण्डकी र कर्णाली प्रदेशले प्रदेश प्रमखु सचिव पाएको छ ।
वि.सं.२०७८ असार २० आइतवार २०:४२ मा प्रकाशित
