हामी सबैकाे संसारन्यूज

२१ असार, काठमाडौं । पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष डा. बाबुराम भट्टराईले कानुनको नौ सिङ्ग हुन्छन् भन्दै सर्वोच्च अदालतको कार्यप्रति आशंका व्यक्त गरेका छन् ।

संसद विघटन विरुद्धको मुद्दामा वादी–प्रतिवादी र एमिकस क्युरी समेतले बहस तथा सवाल -जवाफ गरिसकेको अवस्थामा सर्वोच्चले १ हप्ता पछाडि पेशी सारेको प्रति इंगित गर्दै डा. भट्टराईले यस्तो आशंका व्यक्त गरेका हुन् ।

‘संघीय लोकतान्त्रिक गणतन्त्र र संविधान अहिले सर्वोच्च अदालतको शरणमा छ । कानूनका नौ सिंग हुन्छन् रे ! तर सार्वभौमसत्ता सम्पन्न जनताद्वारा निर्वाचित प्रतिनिधिसभाका बहुमत सदस्यले राष्ट्राध्यक्ष र सर्वोच्च अदालतमा पेश गरेको हस्ताक्षर भन्दा बलशाली सिंग अर्को हुनसक्दैन । श्रीमानहरूको जो विचार !’ सामाजिक संजाल ट्विटरमा डा. भट्टराईले लेखेका छन् ।

संघीय लोकतान्त्रिक गणतन्त्र र संविधान अहिले सर्वोच्च अदालतको शरणमा छ।कानूनका नौ सिंग हुन्छन् रे!तर सार्वभौमसत्तासम्पन्न जनताद्वारा निर्वाचित प्रतिनिधिसभाका बहुमत सदस्यले राष्ट्राध्यक्ष र सर्वोच्च अदालतमा पेश गरेको हस्ताक्षर भन्दा बलशाली सिंग अर्को हुनसक्दैन।श्रीमानहरूको जो विचार!

— Baburam Bhattarai (@brb1954) July 5, 2021

संसद विघटनका विरुद्धमा परेको मुद्दाको विषयमा वादी–प्रतिवादीका सबै बहस तथा सवाल जवाफ सकिसकेको अवस्थामा एक साता पछाडिका लागि पेशी तोक्नु, आजै निर्वाचन आयोगले निर्वाचनको कार्यतालिका सार्वजनिक गर्नु र संवादविहीन जस्तै बनेको एमालेको कार्यदलको बैठक आजै बस्नु तथा एमालेभित्र संघीयता र धर्म निरपेक्षताका विषयहरु बहसका रुपमा अगाडि बढाउन पहल गरिनु संयोग मात्र मान्न नसकिने राजनीतिक विश्लेषकहरुले समेत टिप्पणी गरेका छन् ।